ਫਰੀਦਾਬਾਦ, 17 ਮਾਰਚ 2026 : ਹਰਿਆਣਾ (Haryana) ਦੇ ਸ਼ਹਿਰ ਫਰੀਦਾਬਾਦ ਵਿਖੇ ਗਹਿਣਿਆਂ ਦੀ ਲੁੱਟ ਦੇ ਮਾਮਲੇ ਵਿਚ ਲੋੜੀਂਦੇ ਮੁਲਜਮ ਨੂੰ ਪੁਲਸ ਵਲੋਂ ਇਕ ਮੁਕਾਬਲੇ ਦੌਰਾਨ ਕਾਬੂ ਕੀਤਾ ਗਿਆ ਹੈ ।
ਕਿਥੇ ਹੋਈ ਸੀ ਗਹਿਣਿਆਂ ਦੀ ਲੁੱਟ
ਮਿਲੀ ਜਾਣਕਾਰੀ ਅਨੁਸਾਰ ਜੋ ਅੱਜ ਹਰਿਆਣਾ ਦੇ ਸ਼ਹਿਰ ਫਰੀਦਾਬਾਦ ਦੀ ਪੁਲਸ (Faridabad Police) ਵਲੋਂ ਇਕ ਵਿਅਕਤੀ ਨੂੰ ਮੁਕਾਬਲੇ ਦੌਰਾਨ ਗ੍ਰਿਫ਼ਤਾਰ (Arrested) ਕੀਤਾ ਗਿਆ ਹੈ ਵਲੋਂ ਸਰੂਰਪੁਰ ਵਿਖੇ ਇਕ ਗਹਿਣਿਆਂ ਦੀ ਦੁਕਾਨ ਵਿਚੋਂ 64 ਲੱਖ ਰੁਪਏ ਦੇ ਸੋਨੇ ਦੇ ਗਹਿਣਿਆਂ ਦੀ ਲੁਟ ਕੀਤੀ ਗਈ ਸੀ । ਫਰੀਦਾਬਾਦ ਪੁਲਸ ਵਲੋਂ ਪਕੜਿਆ ਗਿਆ ਉਕਤ ਮੁਲਜਮ ਧਰਮਵੀਰ ਉਰਫ ਬਾਬੂ (Dharamvir alias Babu) ਹੈ ਤੇ ਪੁਲਸ ਨੂੰ ਇਸ ਘਟਨਾ ਦੇ ਮਾਮਲੇ ਵਿਚ ਲੋੜੀਂਦਾ ਸੀ ਤੇ ਅੱਜ ਪੁਲਸ ਦੀ ਜਵਾਬੀ ਗੋਲੀਬਾਰੀ ਵਿਚ ਜ਼ਖ਼ਮੀ ਹੋ ਗਿਆ ਤੇ ਪੁਲਸ ਨੇ ਉਸਨੂੰ ਕਾਬੂ ਕਰ ਲਿਆ ।
ਜ਼ਖ਼ਮੀ ਹੋਣ ਤੇ ਕਰਵਾਇਆ ਗਿਆ ਹੈ ਹਸਪਤਾਲ ਭਰਤੀ
ਜਾਣਕਾਰੀ ਅਨੁਸਾਰ ਫਰੀਦਬਾਦ ਪੁਲਸ ਦੀ ਗੋਲੀ ਲੱਗਣ (Shoot) ਕਾਰਨ ਜ਼ਖ਼ਮੀ ਹੋਏ ਧਰਮਵੀਰ ਉਰਫ ਬਾਬੂ ਨੂੰ ਇਲਾਜ ਲਈ ਹਸਪਤਾਲ ਦਾਖਲ ਕਰਵਾਇਆ ਗਿਆ ਹੈ ਤੇ ਪੁਲਸ ਦੀ ਜਵਾਬੀ ਫਾਇਰਿੰਗ ਵਿਚ ਗੋਲੀ ਮੁਲਜ਼ਮ ਦੀ ਲੱਤ ਵਿੱਚ ਲੱਗੀ । ਉਕਤ ਮੁਲਜ਼ਮ ‘ਤੇ ਉੱਤਰ ਪ੍ਰਦੇਸ਼ ਅਤੇ ਹਰਿਆਣਾ ਵਿੱਚ ਡਕੈਤੀ, ਕਤਲ, ਜਬਰਦਸਤੀ ਅਤੇ ਕਤਲ ਦੀ ਕੋਸਿ਼ਸ਼ ਦੇ 11 ਮਾਮਲੇ ਦਰਜ ਹਨ । ਉਸ ਦੇ ਦੋ ਸਾਥੀਆਂ ਜਾਵੇਦ ਅਤੇ ਸਾਕਿਬ ਨੂੰ ਗਹਿਣਿਆਂ ਦੀ ਦੁਕਾਨ ਡਕੈਤੀ ਦੇ ਸਬੰਧ ਵਿੱਚ ਪੁਲਸ ਪਹਿਲਾਂ ਹੀ ਗ੍ਰਿਫ਼ਤਾਰ ਕਰ ਚੁੱਕੀ ਹੈ ਤੇ ਸਿਰਫ ਉਹ ਲੋੜੀਂਦਾ ਸੀ ।
ਹਸਪਤਾਲ ਤੋਂ ਛੁੱਟੀ ਮਿਲਦਿਆਂ ਹੀ ਕੀਤੀ ਜਾਵੇਗੀ ਪੁੱਛਗਿੱਛ
ਪੁਲਸ ਦਾ ਕਹਿਣਾ ਹੈ ਕਿ ਧਰਮਵੀਰ ਤੋਂ ਹਸਪਤਾਲ ਤੋਂ ਛੁੱਟੀ ਮਿਲਣ ਤੋਂ ਬਾਅਦ ਪੁੱਛਗਿੱਛ ਕੀਤੀ ਜਾਵੇਗੀ । ਇਸ ਦੌਰਾਨ ਮੁਕਾਬਲੇ ਦੀ ਜਾਣਕਾਰੀ ਮਿਲਣ ‘ਤੇ ਸੀਨੀਅਰ ਪੁਲਸ ਅਧਿਕਾਰੀ ਵੀ ਮੌਕੇ `ਤੇ ਪਹੁੰਚੇ ਅਤੇ ਘਟਨਾ ਬਾਰੇ ਜਾਣਕਾਰੀ ਲਈ । ਮੁਲਜ਼ਮਾਂ ਨੇ 11 ਮਾਰਚ ਨੂੰ ਇੱਕ ਸੁਨਿਆਰੇ ਦੀ ਦੁਕਾਨ ਤੋਂ 64 ਲੱਖ ਰੁਪਏ ਦਾ ਸੋਨਾ ਲੁੱਟਿਆ ਸੀ ।
Read More : ਹਰਿਆਣਾ ਪੁਲਸ ਨੇ ਫਿਰੌਤੀ ਮੰਗਣ ਵਾਲੇ ਨੌਜਵਾਨ ਦਾ ਕੀਤਾ ਐਨਕਾਊਂਟਰ
