ਦਰਗਾਹ ਨੇੜੇ ਦੀਵੇ ਬਾਲਣ ਦਾ ਹੁਕਮ ਦੇਣ ਵਾਲੇ ਜੱਜ ਖਿਲਾਫ `ਮਹਾਦੋਸ਼ ਦਾ ਪ੍ਰਸਤਾਵ’

ਨਵੀਂ ਦਿੱਲੀ, 10 ਦਸੰਬਰ 2025 : ਵਿਰੋਧੀ ਸੰਸਦ ਮੈਂਬਰਾਂ ਨੇ ਇਕ ਵੱਡਾ ਕਦਮ ਚੁੱਕਦਿਆਂ ਮਦਰਾਸ ਹਾਈ ਕੋਰਟ ਦੇ ਜੱਜ ਜੀ. ਆਰ. ਸਵਾਮੀਨਾਥਨ (Judge G. R. Swaminathan) ਖਿਲਾਫ ਮਹਾਦੋਸ਼ (Impeachment) ਦੀ ਕਾਰਵਾਈ ਸ਼ੁਰੂ ਕਰਨ ਦੀ ਮੰਗ ਕੀਤੀ ਹੈ ।

ਲੋਕ ਸਭਾ ਸਪੀਕਰ ਨੂੰ ਸੌਂਪੇ ਗਏੇ ਪ੍ਰਸਤਾਵ ਤੇ 120 ਸੰਸਦ ਮੈਂਬਰਾਂ ਦੇ ਹਨ

ਦਸਤਖਤ

ਲੋਕ ਸਭਾ ਸਪੀਕਰ ਓਮ ਬਿਰਲਾ (Lok Sabha Speaker Om Birla) ਨੂੰ ਸੌਂਪੇ ਗਏ ਪ੍ਰਸਤਾਵ `ਤੇ 120 ਸੰਸਦ ਮੈਂਬਰਾਂ ਦੇ ਦਸਤਖਤ ਹਨ । ਇਸ ਨੋਟਿਸ `ਤੇ ਹਸਤਾਖਰ ਕਰਨ ਵਾਲਿਆਂ `ਚ ਦਮਕ, ਸਪਾ, ਕਾਂਗਰਸ ਜੀ. ਆਰ. ਸਵਾਮੀਨਾਥਨ ਸੰਸਦ ਮੈਂਬਰਾਂ ਦੇ ਦਸਤਖਤ ਹਨ । ਨੋਟਿਸ `ਚ ਕਿਹਾ ਗਿਆ ਹੈ ਕਿ ਸੰਵਿਧਾਨ ਦੇ ਆਰਟੀਕਲ-217 ਅਤੇ 124 ਤਹਿਤ ਜਸਟਿਸ ਸਵਾਮੀਨਾਥਨ ਜੋ ਨੂੰ ਹਟਾਉਣ ਦਾ ਪ੍ਰਸਤਾਵ ਲਿਆਂਦਾ ਗਿਆ ਹੈ, ਜਿਨ੍ਹਾਂ ਨੇ ਇਕ ਦਰਗਾਹ ਨੇੜੇ ਦੀਵੇ ਬਾਲਣ ਦੀ ਆਗਿਆ ਸਬੰਧੀ ਹੁਕਮ ਦਿੱਤਾ ਸੀ ।

ਪ੍ਰਸਤਾਵ ਵਿਚ ਕੀ ਲਗਾਇਆ ਗਿਆ ਹੈ ਦੋਸ਼

ਲੋਕ ਸਭਾ ਸਪੀਕਰ ਨੂੰ ਇਹ ਨੋਟਿਸ ਡੀ. ਐੱਮ. ਕੇ. ਸੰਸਦ ਮੈਂਬਰ ਕਨੀਮੋਝੀ, ਲੋਕ ਸਭਾ `ਚ ਦਮੁਕ ਦੇ ਨੇਤਾ ਟੀ. ਆਰ. ਬਾਲੂ, ਸਮਾਜਵਾਦੀ ਪਾਰਟੀ ਦੇ ਅਖਿਲੇਸ਼ ਯਾਦਵ ਅਤੇ ਕਾਂਗਰਸ ਨੇਤਾ ਪ੍ਰਿਯੰਕਾ ਗਾਂਧੀ ਵਢੇਰਾ ਨੇ ਸੌਂਪਿਆ । ਇਸ ਪ੍ਰਸਤਾਵ `ਤੇ 120 ਸੰਸਦ ਮੈਂਬਰਾਂ ਦੇ ਦਸਤਖਤ ਹਨ। ਪ੍ਰਸਤਾਵ `ਚ ਦੋਸ਼ ਲਗਾਇਆ ਗਿਆ ਹੈ ਕਿ ਜੱਜ ਦੇ ਆਚਰਣ ਨਾਲ ਉਨ੍ਹਾਂ ਦੀ ਨਿਰਪੱਖਤਾ ਅਤੇ ਪਾਰਦਰਸਿ਼ਤਾ `ਤੇ ਸਵਾਲ ਉੱਠ ਰਹੇ ਹਨ । ਇਹ ਵੀ ਦਾਅਵਾ ਕੀਤਾ ਗਿਆ ਹੈ ਕਿ ਉਨ੍ਹਾਂ ਦੇ ਕੁਝ ਫੈਸਲੇ ਸਿਆਸੀ ਵਿਚਾਰਧਾਰਾ ਤੋਂ ਪ੍ਰਭਾਵਿਤ ਰਹੇ ਹਨ, ਇਹ ਫੈਸਲੇ ਸੰਵਿਧਾਨ ਦੇ ਧਰਮ ਨਿਰਪੱਖ ਮੁੱਲਾਂ ਦੇ ਖਿਲਾਫ ਹਨ ।

ਕੀ ਹੈ ਪੂਰਾ ਮਾਮਲਾ

ਮਦਰਾਸ ਹਾਈ ਕੋਰਟ (Madras High Court) ਦੇ ਮਦੁਰੈ ਪੀਠ ਨੇ 4 ਦਸੰਬਰ ਨੂੰ ਮਦੁਰੈ ਦੇ ਜ਼ਿਲਾ ਕੁਲੈਕਟਰ ਅਤੇ ਸ਼ਹਿਰ ਦੇ ਪੁਲਸ ਕਮਿਸ਼ਨਰ ਵਲੋਂ ਦਾਇਰ ਇਕ ਅੰਤਰ ਅਧਿਕਾਰ ਖੇਤਰ ਅਪੀਲ ਖਾਰਿਜ ਕਰਦੇ ਹੋਏ ਏਕਲ ਜੱਜ ਦੇ ਹੁਕਮ ਨੂੰ ਬਰਕਰਾਰ ਰੱਖਿਆ, ਜਿਸ ਵਿਚ ਸ਼ਰਧਾਲੂਆਂ ਨੂੰ ਦੀਪਥੂਨ `ਚ ਦਰਗਾਹ ਦੇ ਨੇੜੇ ‘ਕਾਰਦੀਗਈ ਦੀਪਮ` ਦੀਵੇ ਬਾਲਣ ਦੀ ਆਗਿਆ ਦਿੱਤੀ ਗਈ ਸੀ ।

Read More : ‘ਪ੍ਰਾਈਵੇਟ ਪਾਰਟ ਫੜਨਾ ਜਬਰ-ਜ਼ਨਾਹ ਨਹੀਂ” ਕਹਿਣ `ਤੇ ਸੁਪਰੀਮ ਕੋਰਟ ਨਾਰਾਜ਼