ਬੜਵਾਨੀ, 30 ਮਾਰਚ 2026 : ਭਾਰਤ ਦੇਸ਼ ਦੇ ਸੂਬੇ ਮੱਧ ਪ੍ਰਦੇਸ਼ (Madhya Pradesh) ਦੇ ਜਿਲਾ ਬੜਵਾਨੀ ਵਿਖੇ ਇਕ ਵਿਅਕਤੀ ਦੀ ਕੁੱਟ-ਕੁੱਟ ਕੇ ਹੱਤਿਆ (Beating to death) ਕਰ ਦਿੱਤੇ ਜਾਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ ।
ਕੀ ਸੀ ਪੂਰਾ ਮਾਮਲਾ
ਮੱਧ ਪ੍ਰਦੇਸ਼ ਦੇ ਬੜਵਾਨੀ ਜਿਲੇ (Barwani District) ਵਿਚ ਸਿਰਫ 100 ਰੁਪਏ ਦੇ ਲੈਣ-ਦੇਣ ਦੇ ਵਿਵਾਦ ਵਿਚ 35 ਸਾਲਾ ਵਿਅਕਤੀ ਦੀ ਕੁੱਟ-ਕੁੱਟ ਕੇ ਹੱਤਿਆ ਕਰ ਦਿੱਤੀ ਗਈ । ਇਸ ਮਾਮਲੇ ਵਿਚ 3 ਮੁਲਜ਼ਮਾਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ । ਪੁਲਸ ਨੇ ਦੱਸਿਆ ਕਿ ਫੂਲ ਸਿੰਘ (35) ਨੇ ਮਨੀਸ਼ ਸੋਲੰਕੀ (23) ਨੂੰ ਕੁਝ ਸਮਾਂ ਪਹਿਲਾਂ 100 ਰੁਪਏ ਉਧਾਰ ਦਿੱਤੇ ਸਨ ਅਤੇ ਜਦੋਂ ਉਸ ਨੇ ਇਹ ਰਕਮ ਵਾਪਸ ਮੰਗੀ ਤਾਂ ਸ਼ਨੀਵਾਰ ਤੇ ਐਤਵਾਰ ਦੀ ਦਰਮਿਆਨੀ ਰਾਤ ਸੋਲੰਕੀ ਦਾ ਉਸ ਨਾਲ ਵਿਵਾਦ ਹੋ ਗਿਆ ।
ਗੁੱਝੀਆਂ ਸੱਟਾਂ ਲੱਗਣ ਕਾਰਨ ਹੋਈ ਫੂਲ ਸਿੰਘ ਦੀ ਮੌਤ
ਸੋਲੰਕੀ ਨੇ ਆਪਣੇ 2 ਸਾਥੀਆਂ ਵਰਿੰਦਰ ਸੋਲੰਕੀ (20) ਤੇ ਰਣਛੋੜ ਸੋਲੰਕੀ (19) ਦੇ ਨਾਲ ਮਿਲ ਕੇ ਫੂਲ ਸਿੰਘ ਦੀ ਬੁਰੀ ਤਰ੍ਹਾਂ ਕੁੱਟਮਾਰ (Beating) ਕੀਤੀ । ਛਾਤੀ, ਗੁਪਤ ਅੰਗਾਂ ਅਤੇ ਹੋਰ ਹਿੱਸਿਆਂ ‘ਤੇ ਗੁੱਝੀਆਂ ਸੱਟਾਂ ਲੱਗਣ ਕਾਰਨ ਫੂਲ ਸਿੰਘ ਦੀ ਮੌਤ ਹੋ ਗਈ ।
